星期三

又係遲到.(唔知醒,好過唔知死)

今早o既工作/角色係做收件員.

去到荔枝角X公司拎HD. (仲見到位靚女...好cool)

攪咗成日,About me終於出現番.(在右面,見到冇?)
真係要還神.

見到恆少嘅post嗎?
多一位成員加入台灣之旅.(thank you 道明公子)


米線編
中午過咗去譚仔食米,今次係第一次試辣.
譚仔嘅辣分為特辣,大辣,中辣,小辣至到五小辣.
根可靠消息,佢嘅小辣係會辣到飛起、辣到死。食特辣係可以免費飛你去台灣、美國、波哥大、等地方..（試唔試？！）
本人覺得晨早流流，博唔過，只係試下五小辣。
ＤＡＭＮ．．．．．真係辣到．．．．．要．．．．
佢嘅辣同荃灣米線嘅唔同。
譚仔係落到喉嚨／胃至有反應。
荃灣嘅係一入口就覺。
譚仔入門級比荃灣嘅比不下。
荃灣真係有四隻辣椒。（請睇返“星期四, 四月 28, 200５ 4--money for WHAT..”嘅ＰＯＳＴ）
等我下次真正試吓譚仔嘅小竦再報告．．．。